يــــــــــمــــــــــه
يا يمه منتهي جيتك وطالب منك الغفران***أقبل قاعة أقدامك وأغسلها بدمعاتي
يا يمه كل ما فيني ينادي لك أنا ندمان***طلبتك قولي سامحتك وردي لوجهي بسماتي
أنا أدري قلبك الطيب كسرته بصدمة النكران***غلطت وغلطتي هذي تعير كل غلطاتي
تشوف الشيب يا يمه ترى ما جاء وأنا فرحان***ورب إللي رفع ذاتك ونزل للردى ذاتي
فقدت الراحة من بعدك فقدت الطيبة والتحنان***بدونك راحتي غاية بيدينك هذي راحاتي
أنا ... أنا بعدك ولا حاجه أنا بعدك ترى عميان***أشوف ولا أشوف إللي يوريني مساراتي
أنا وسيد الشقاء والهم من بعدك غدينا إخوان***يجيب هموم هالعالم ويرميها بمتاهاتي
صدقتي يوم قلتي لي تدين اليوم بس تندان***رميتك في بداياتي ورموني في نهاياتي
أنا من شالك بأيده ورماك بأسفل البركان***نخيتيني وطلبتيني ولا حصلتي نخواتي
مثل ما هنتي بعيوني عليهم قلبي يمه هان***رموني وضعفهم فزعه وأنا الدمعات فزعاتي
يا يمه لا تظنيني أنا من فعلهم زعلان***سواتٍ فيك سويته وسووا فيني سواتي
يا يمه يا الله ضميني ودفيني بين الأحضان***أنا أدري فيك مشتاقة وهمك بس ملاقاتي
يا يمه ... يا يمه حيل ضميني أبي أرتاح أنا تعبان***تعبت أهرب من ذنوبي أبي أجا خر مسافاتي
أبسمع منك أي كلمه لصوتك مسمعي ولهان***أبسمع يمه بصوتك أبذكر فيها نشواتي
أشوفك ساكتة يمه رضيتي ولا أنا غلطان***رضيتي يا بعد عمري تعبتي من مواساتي
يا يمه ... يا يمه ... يا يمه ...***طالبك قومي إذا لي بعيونك شان
أشوف الموت بعيونك عساها تخيب هقواتي***تعالوا يا بشر شوفو أنا محتار أنا تلفان
أنا أمي ما أدري وش فيها أنا مدري أنا أحاتي***شنو .. شنو .. أمي أنا ماتت لا ... لا ترى غلطان
أنا أمي ما تخليني على حزني ووناتي***أنا أمي قلبها طيب ولا يمكن تبكي إنسان
أنا أمي ما تبكيني ولا تتمنى آهاتي***يا يمه صح ما متي وصح الموت تو ما حان
إذا متي أنا بعدك أبقضي وين ساعاتي***يا يمه قومي وقولي الموت لا ما كان
أنا جيتك وأنا ناوي أبدل فيك جناتي***تركتيني ومتي ليه تركتيني وأنا غرقان
ولا مسموح يا وليدي ولا تلعنك لعناتي***أنا الجاني وأنا المجني وأنا المخطي وأنا الندمان
وأنا بيدي رميتك إيـه وبعثرته ملفاتي***وجيت من الهناء مبلغ وقلبي من الضناء خسران
تركتيني على ناري أعدد فيك زلاتي***ولا نيب مرضيٍ ربي ولاني تابع الشيطان
أنا بعدك ترى مابين نهاياتي وبداياتي***يا يمه منتهي جيتك وكلي مرتجي غفران
*_*منقووووله
البرفسـMـورة
السبت نوفمبر 01, 2008 6:22 pm من طرف زائر
